Rentmeestershuus
Iedereen zal ut al wel lang en breed hebben vernommen
Dat schutterregelmanus Gerrit Smeitink dit joar deur ziekte niet op de Kermis kan kommen
Wi-j stelt an de schutters veur um allemoal een gulden veur een fruitmandje te lappen
Zodat “jumbo” volgend joar weer met ’t vaandel in de rondte kan knappen
Veearts
Verheul is op zien werk altied nadrukkelijk anwezig
En veural met zien secretaresses holt disse veearts zich dan bezig
tut vervealens toe geet hi-j deur met zien grollen en grappen
Net zolang tut de dames ‘m de deur uut trappen
Wi-j hoppen dan ok dat hi-j zien vrouw op een bettere manier charmeurt
Anders wurt Verheul binnenkort ok nog zien eigen keet uut gepleurd
Dominee
As ni-je dominees bunt jullie met de hummelse kermis nog niet zo vertrouwd
Moar de laatste paar joar hew hier alleen moar op een plaatje dreuge koek gekauwd
Al wurt d’r in hummelse kerk niet onmundig veul gezoppen
Ut is ok niet de bedoeling daw noa de kermis massaal bi-j de tandarts an mot kloppen
As ni-je dominee en domi-ja kij-j ow in hummel vanaf now dan ok al onsterfelijk maken
Want gods bier zal ons allen wel smaken
De Muldershof
Al is disse wijk al joaren besmet met ut niet uijt te roeien saaiheidsvirus
De Muldershof blif veur ons een prachtoord, zolang d’r moar bier is
Burgermeister
Van de stroeve onderhandelingen oaver de gemeentelijke herindeling is
Onze burgervader now de jeneverbessen an ut plukken
Zien snode plan um as laatste burgermeister van hummel de boeken in te goan hef hi-j in zien roes al zien lukken
Met de umliggende gemeenten spòlt onze Napoleon deurum een duftig potje blufpoker en stratego
Want zo klein as hi-j is, zo groot is zien ego
Wat Bannink betreft meugt de plannen dus nog wel een joar of tien de ieskast in goan
As hi-j tegen die tied hier op ut verbanninksoord zit, kuw ten-minste weer bi-j zien eigen huus in Hummel ut vaandel sloan
Heinekendaal
Ut afgelopen joar hef de riolering ut Heinekendaal weer veur de zoveulste keer blank loaten stoan
Dat ut misschien verstandig is dat er hier in ut verbanninksoord ‘ns wat an een zwemcursus zol worden gedoan
Eerst mot d’r natuurlijk een of twee bewoners verzoepen
Pas dan begint de directie hier moord en brand te roepen
dus directie: trek ow conclusie uut disse wieze bewering
As ut kalf verdronken is dempt men de riolering
Dokter
Noa veule vette joaren kump bi-j Ni-jenhuuzen ut spookbeeld van de diarreedunne joaren opdagen
Want zien kroost is massaal goan studeren en zoepen dat kunt ze wel, de dokter zien blagen
Um zichzelf uijt disse nachtmerrie te loaten ontwaken
Hef hans zich een wekker gekocht van een paar knaken
Sinds kort begint hi-j de werkdag dan ok um stipt acht uur
Want uutsloapen wier in disse crisis zelfs d’n dokter te duur
Ut gevolg is echter dat hi-j tut half tien in zien spreakkamer zit te wachten uut goed fatsoen
Moar Hans: dat hebt wi-j Hummelsen zo’n twintig joar op ow motten doen
De Veldhof
Onlangs is een bewoner van de Veldhof met de noorderzon vertrokken
Um in dienst van ut vreemdelingenlegioen te goan knokken
Um jullie in disse bittere tied een hart onder de riem te doen
Bunt wi-j hier weer op kommen dagen met ons eigen schutterslegioen
Wi-j snapt ok niet weurum den vogel d’r tussenuut is goan pissen
Want de vretteri-je op de Veldhof dat wil toch niemand missen
Bennie Besselink
As kastelein mo-j natuurlijk wetten dat ze altied op ow letten
Dus Bennie: as moandagsoavonds de vogel wurt weggebracht is ut
Niet al te snugger um ut uurwerk zo’n drie kwartier veur uut te zetten
Ut kan echter wean dat Bennie van slag is met zien biologische klok
Want hi-j geet ut liefst bi-jtieds met zien kipjen op stok
reaken d’r op dat ut dan in de sloapkamer een heavig bal’s
En Shoarma Bennie moar tegen Tiny reeren: “As-ut-moar-geil-is-mag-alles”
De Krint
Bi-j onze Conservatieve Hagenees is de tied niet stil blieven stoan
Ut verni-jingstiedperk hef now ok bi-j de krint zien intrede gedoan
Ut afgelopen joar hef de Golden Casper namelijk een ni-je computer geïnstalleerd
en now steet elk gerecht of drankje onder een eigen code geregistreerd
um al disse innovaties te vieren lik ut ons merakels prachtig
Dat de Hummelse Einstein ut hele darp geet trakteren op een code tachtig
Vijfentwintig jarig jubileum van Meester Kok
Onze derde bieleman is vanoavond verhinderd veur ut 25-joarig jubileum van Meister Kok
Deurum is onze ni-je hummelse koning now zelf de bok
Um alle boze geesten veur een volgend jubileum te verjagen
Zal hi-j vanoavond zien eigen beumken um motten zagen
Wi-j hoppen dan ok dat hi-j ut beumken net zo goed als de vogel wet te raken
Want dan goaw hier in ut paleis van koning Willem IV een heavig feestje maken
Bielemans@1997