Bielemansteksten Hummelse kermis 1992

Rentmeestershuus

Zowaar, de graaf hef de schutteri-j in nieuwe jassen gestokken
Moar dat hadden jullie al gerokken
Ok de oversten goat met de tied mee
En vonden geleasde jassen een goed idee
Aleen de ri-jers motten now nog nieuwe jassen an
Doarum hebben wi-j ’t volgende plan
De volgende verkoop van onze auto is ten bate van de ruiteri-j

Veearts

?

Dominee

Als nieuwe dominee van hummel dut ‘e reeds goede zaken
en nog steeds lut hi-j de versnellingsbak van zin (les) auto kraken
(Moar) Zoals bekend hef zin veurganger ondervonden
Hummelo bezit vrachtbare gronden
Hoe lang zol ’t duren veurdat hi-j een kleine Vijfwinkel zal maken?

Muldersbult

Als gevolg van een onlangs voltrokken relaas in een Pennekampweg keet
Werd in de aktueel vul geschreven oaver ’t leed
Politie en pers bunt hier dan ok af en an gescheurd
Moar zo te zien is de gemeenschap hier toch fijn opgefleurd
Want heel Nederland wet now dat d’r een Muldershof in Hummel besteed

Heinekendaal

Dit joar deel 2 van ons heinekendaal
Woar plaats was veur een klein schandaal
Op Koninginnedag was de beëdiging van een generaal
En toen hing de Nederlandse vlag hier niet hoog genoeg in de paal
Zo’n incident kan oaveral wel ’s gebeuren
Dus loaten wi-j doar moar niet meer oaver zeuren
Wi-j vinden dat niks hier de pret mag drukken
Want Heinekendaal deel 3. Dat mot volgend joar nog uutgebreider lukken

Burgemeester

Angezien de burgemeester vul tie dan zin werk besteed
Werd vernommen dat ‘e ok nog wel ens oefenend met golfstick in zin achtertuin steed
Van een bitjen sporten op zi-jn tied
Blif deze ridder een hele piet
Waarschijnlijk dat hi-j als sportman de vut in geet!

Drs. Nieuwenhuus

Hummelse geruchten, door mo’j niet zwoar an tillen
Moar van deze mosten wi-j zelf nog effen rille
De dokter zol zin praktijk in het dorp verloaten
En zoals de mensen verder proaten
Um soldoaten es een lesje te leren
Zol hi-j als militair arts de boze geesten goan bezweren
Gelukkig is deze informatie dus foutief verstrekt
Zien jullie ’t al gebeuren dat hi-j in plaats van de camper met een tank deur Hummel trekt

Veldhof

Van deurstroming hebt ze hier weinig last
D’r bunt d’r weinig die in Hummelo noord verkast
Jan en alleman die hier tussen past
Zelfs wi-j bunt hier graag  gast
En ze zorgt veur ons altied as bast
Want zo te zien hebt ze ons van t’ joar wéér met koffie en brood verrast

Besselink

Waarschijnlijk hef een ieder al geheurd
Dat hier ’t laatste joar weer oaver inbraken is gezeurd
Moar leu, niet getreurd
Bennie hef zin familie en Nanny d’r weer boaven op gesleurd
Afgelopen sommer bunt ze aardig bi-j gekleurd
Want Bennie hef zich een caravan in Neede neergepleurd
Van ’t geld wat ‘e van de verzekering hef gebeurt

Krint

Dit joar zuel wi-j hier geen woorden vuilmaken
Integendeel, wi-j loaten ons ’t pilsjen niet vandaag duftig smaken
Want ik wet niet hoe jullie ’t hier vind
Moar wi-j vuult ons altijd .. bi-j de krint

 

Bielemans@1992