Afdrukken

Rentmeestershuus:

Noa ut gruwelijke zoepen van gisteroavond is ut now effen tied um tut de realiteit van de dag oaver te goan
En jullie Schutters te wiezen op de belangrieke veranderingen die ons dit joar te wachten stoan
Bennie Kloassen zal dit joar namelijk veur ut laatst zien blanke sabel uut de schede trekken
Want noa vandaag ku-j de grote Hummelse archivaris niet meer as Overste der Schutters ansprekken
Zien opvolger is ok al bekend: Jan Willem de Vries zal volgend joar de malafide Bende van Drie kommen versterken
Moar wi-j denkt dat hi-j nog wel wat an zien autoriteit en natuurlijk gezag zal motten goan werken
Dus veurdat dit veurbeeldige koorknaapje met de echte grote jongens met mag lullen
Zal hi-j toch eerst effen bi-j de Krint onder de tap zien döstige slokdarmpje motten goan vullen
Op basis van ons eigen natuurlijke gezag wilt wi-j jullie vroagen um vandaag te loaten zien dat jullie geweldige Schutters bunt
En dat wi-j met zien allen weer een kermis goat vieren zo as wi-j dat alleen in Hummel kunt!

Dominee:

Deur een teruglopend bezoekersaantal steet de baan van disse dominee op de tocht
En deurum is hi-j van mening dat d’r deur de kerk raps noar neaveninkomsten mot worden gezocht
Zo hef onze preaker wilde plannen um ut gebruuk van de kerk multifunctioneel in te zetten
En um dit te loaten geschieden mot d’r zelfs een deel van de kerkbanken noar buuten worden gesmetten
Wi-j vermoedt dan ok dat hi-j de Hummelse Kermis in ut huus van God wil loaten knappen
Moar preakertjen dan zul i-j met dit heidens feest toch echt eerst ‘ns bier veur ons allen motten goan tappen

Spar:

Fransje Dennegeur is volgens eigen zeggen iemand die heel goed zien sterke punten kent
Da’s moar goed ok want zien zwakke punten worden ‘m wel deur ons ingeprent
Onze supermarkt goeroe gedraagt zich de laatste tied as of hi-j niet helemoal goed wies is
Moar wi-j hebt geheurd dat Frans is anbeland in een midlife-light-crisis
Zodra hi-j op zien fiets springt geet hi-j automatisch noar zien oaverburen van de Krint
En doar kump Frans echt niet alleen umdat hi-j ut doar zo gezellig vindt
Zo wurt d’r veur disse liefhebber noast elk biertje steevast een borreltje neergezet
Dus zelfs in Hummel hebt wi-j now een kruidenier die op de kleintjes let!

Dokter:

Wat wi-j te melden hebt oaver onze medicus is eigenlijk alleen moar doffe ellende
Want of Jeroen now in Hummel of in Keppel woont: Ut is oaveral één grote bende
Onlangs hef zien ni-je huus in Keppel deur de heavige reagenval volledig blank gestoan
Moar ja, God straft onmiddellijk: Dan had disse huusarts ok moar niet uut Hummel weg motten goan
De verhuuzing noar zien paleisje in Keppel verliep oaverigens niet zonder slag of stoot
Want zien woning hier an de Zuylenkamp had hi-j met zien gezinnetje toch wel aardig verkloot
Noar buuten toe doet ze zich veur as een keurige nette familie van onbesprokken gedrag
De huurbaas wist echter wel better toen hi-j dit totaal uutgeleafde pandje van binnen zag
Heel Hummel hef nog moandenlang schande oaver disse kwakzalver gesprokken
Moar eigenlijk mot wi-j gewoon bli-j wean dat disse Tokkies noar Keppel bunt vertrokken

Heinekendaal:

Hier bi-j dit Verbanninksoord drea-jt ut tegenwoordig alleen nog moar um de poen
Vrogger was ut hier veur ut personeel lang niet zo druk en konden ze nog wel ‘ns wat geks doen
Desondanks is ut personeel van dit Oldere-Jongeren-Opvangcentrum onlangs helemoal de hemel in geprezen
Zo kregen zi-j van de directie een Glitter & Glamour feest angeboden en mochten ze in een Cadillac in de rondte sjezen
Hier op het Heinekendaal is ut echter vaak een stuk minder glamour wat de klok slut
Zeker as de bewoners hier wat drinken wilt en de kraan ut gewoon niet dut
Een eenvoudig lekker bakje koffie konden de bewoners dus gewoon op de buuk schrieven
En tut oavermaat van ramp mossen de bewoners hier ongewassen binnen blieven
De bewoners hebt an dit kleine incident een enorm groot trauma oaver gehollen
Ut is namelijk echt niet fijn as mensen ow vroagt of i-j bi-j Harm Veeneman in het persvoer hebt lopen rollen

Burgemeester:

Onze burgervader had geen tied um hier te kommen want tussen tien en elf mot hi-j altied effen twitteren
Bliekboar maakt hi-j zichzelf graag niet zo geliefd deur dit joar alweer deur afwezigheid te schitteren
Ok in de buurt van zien officiële woonadres zien ze Aalderink volgens ons liever kommen dan goan
Hoe verklaar i-j anders dat alle huuzen in zien blok an de Pennekampweg in één keer allemoal leug stoan
Wi-j vindt ut de hoogste tied dat ut hoofd van onze gemeente ‘ns effen tut de orde wurt geroepen
En bi-j verstek veroordeelt wi-j Henk de Biertank now alvast um volgend joar onder de tap te motten kroepen
Aalderink geet wat ons betreft now ver zien boekje te buuten en dat mot hi-j now moar eens goed snappen
Wi-j vindt ut totaal ongepast en erg zwak van ‘m um een goedwillende wetholder ut vuile werk op te loaten knappen
De burgemeister mot gewoon an zien verplichtingen voldoen want dat is woar wi-j ‘m veur betalen
Dus wetholder: As den cultuurverwoestenaar volgend joar d’r weer niet is dan kommen wi-j ‘m halen!

De Veldhof:

Op het Piet Pasman Plein oftewel P.P.P. gebeurt ieder joar geen ene donder
Moar a-j ut oaver Hummel Noord hebt dan denk i-j toch gauw an een godsgeklaagd wonder
Ieder joar komt wi-j hier an met een onmundige honger en een stekkende pien in de pens
Moar gelukkig wet ze hier op de Veldhof gewoon wat goed is veur de mens
Ok dit joar wordt wi-j hier weer veurzien van breudjes, koffie en thee
Deurum graag een groot applaus veur de bewoners van het P.P.P.

FF noar Steef:

Steef en Martine schonken de bevolking dit joar ut allergrootste kado
Hummel hef namelijk weer een echt dorpscafé, chapeau!
As ni-jkommers zult wi-j Steef en Martine deurum dit joar nog een scherpe tekst bespoaren
Dat afzeiken kump vanzelf en dat doet wi-j wel in alle kommende joaren
De naam van dit dorpscafé is echter wel een alderbastende slechte keuze
Onmundig lang noar Steef vindt wi-j namelijk een veul bettere leuze
Spreuken en teksten kunt ze in ut vervolg dus better deur de Bielemans loaten bedenken
En dan loaten wi-j de glazen wel deur Steef vol schenken
Wi-j wensen Steef en Martine alderbastend veul succes en hopt dat de zaken goed zult goan
En dat wi-j nog onmundig lang veur hun (en dezelfde familie) hier ut vaandel meugt sloan

De Krint:

Binnenkort wordt De Golden Caspar en Rita de bewoners van een echt huus
En disse beide gepensioneerde herbergiers in spé goat dan zelfs ok koaken op een eigen fornuus
Ut hef wel een aardig poosje geduurd tut ze De Golden Caspar zover hebt gekregen
Moar in april van dit joar hef Queen Elisabeth officieel de troon van de Krint bestegen
Zonder veul poeha en vri-j geruisloos hef de Queen de scepter van de toko hier oavergenommen
Of hebt wi-j ons vergist en mot ut grote oapeningsfeest gewoon nog kommen?
Wi-j wilt heur adviseren um ut heurzelf een heel stuk makkelijker te maken
Elisabeth: Geef iedereen in Hummel twee rondjes, wi-j wet namelijk zeker dat die vandaag best zult smaken


Weerwoord Jeroen Mast:

Gestoord was mijn diagnose vorig jaar,
met schaatspakken door de straten,
een rare taal proaten,
dames besmeuren,
aan de tap leuren,
en bovenal een hoop kommentaar.

Zo schijnt mijn verhuizing u maar niet te kunnen bekoren,
kan Dré zich daar echt aan storen?
en is Japh niet ook op zoek?
een huis bij de 'manager' om de hoek?
Toch willen wij jullie wel graag als dorpsgenoten.
Andre en de andere Hummelse helden: dank voor de hulp toen het water uit de ple kwam gespoten.
ook voor jullie DJ kunsten tijdens ons recente feest,
zijn we jullie zeer erkentelijk geweest

Tot slot nog een ongevraagd doktersadvies:

Andre,
heb je lopen braken bij Steef?
die vaas die hoefde toch niet leeg?
hou 't bij een fluitje in de kroeg,
ook voor jou is dat meer dan genoeg.
nu zit je met je hand,
straks zit je met je hele kop in t verband.

Erik,
al 18 jaar een bieleman,
één die volgens eigen zeggen echt plat proaten kan,
maar waar komt jouw bijnaam Japh toch vandaan?
''Jetski" er was iets met die naam.....
jouw voorkeur voor t hollandse lied is ons bekend
zo ook een dans met een stofzuiger op "You Tube" recent
ik zeg je: er is een wereld buiten hummelo
een wereld van Armin van Buren en ook van tiesto!

En dan Henkie Greven,
ga je voor een eeuwig bielemansleven.
hoe lang hou je het nog vol,
het bielemansschap eist wel zn tol.
altijd tranen op de laatste dag,
wat na al jou inzet natuurlijk zeker mag.
ben je er weer bij volgend jaar?
we hopen het, we zijn nog lang niet met je klaar

Beste mensen, bedankt voor jullie komst en tot volgend jaar!

Categorie: Bielemansteksten
Hits: 4750